خليها سكته يلفته بقلم عبد القادر الزيناتي

من كنت برحم امك وانت ثرثار
نوب بيدك نوبة رفس وتدور المعبار
دار الفلك وصارت عجة وغبار
والسكته احسن الك تحميك من الاعصار
خليها سكته يلفته ولا تكول اسرار
لا تحكي يلفته وتروحن غصب خطار
بالكهربة ضربك الذ لو تعليق بالمسمار
لو سطل مي وتغوص لو بنكه لو مقوار
يمكن باحسن يضيفوك ورصاصة من غدار
خليها سكته يلفته ولا تكول اسرار
خليها سكته ويالصبر
يمكن تحصلك قبر
جكارة دخن وانتظر
دورك يجي لاتحتار
خليها سكته يلفته ولا تكول اسرار
خليها سكته والامر
بيد السكارى والخمر
ع الرقبة وسيطرك سطر
وتحسب نجومك بنهار
خليها سكته يلفته ولا تكول اسرار
لتكلي العجم محتلين
الوطن حر صار من سنين
الامريكي حكم وي لا تين
وحرية مسلفنه انطوك تذكار
خليها سكته يلفته ولا تكول اسرار
يلفته يا مواطن
ال فوك الارض تعرف وتعرف الباطن
اترك سكوتك ولا تظل صافن
واذكر اجدادك من كتلوا الكامن (لكمن )
والمقوار ال خله المدفع يسكت مينثار
لا تسكت يالفته واحكي اسرار
خبرهم يلفته بالطك الك ثلثين
من ديالى انهضت والعبت بالصوبين
اهل البرتقال احنه واهلها الخيرين
ما نسكت على الضيم لو با رودهم امطار
خبرهم يلفته وكلهم شصار
ابن الجنوب انت بصرتها وعمارة
وانت ابن كركوك والنجف والقيارة
وابن دهوك وذي قار والبردي واهواره
وابن القادسية وحلتنه والانبار
احكي يلفته ولا تخلي اسرار
احكي يلفته عن شموخ النخل
من حارب اسنين ما وطه ..ولاذل
باقي صامد وتمر خستاوي وبريمي عسل
وخضراوي وي زهدي شتاكل منه تحتار
هم احكي يلفته وكول اسرار
هم احكي يلفته عن اصلك وعود
وخبر المحتل عن تاريخ الجدود
من بابل واشور ما سلموا الحدود
وللنخوة المعتصم صار الهم شعار
افخر يلفته اجدادك اكثار
يلفته من الزغر تحكي وتعترض
ولسانك بالحكي يرد المنقرض
نفترض خوفوك يخوية نفترض
افضهحم يخوية اليوم بنثر واشعار
قصيدة اكتب يلفته واكشف استار
خليها سكته يلفته ليصير انفجار
من سالوا يلفته وي منو انت
لاتصفن واحكي ولا تطول السكتة
قلهم عراقي وعربي انه واسمي لفته
وما بدل هويتي لو بذهب قنطار
كلها يلفته من العراق تغار

خبرهم عن عمامك منين الاصل
لو خوالك وصل الرحم يربط وصل
اهلك اهل خير ومضايف وثار وفصل
ومن نارهم تشوفن مضايفهم نهار
ذوله اهلك يلفته على العدا نار
خيلهم تصهل صهيل وعجة تراب
ولا طخوا الراس ولا من عدو هاب
وعدوهم دخيل وينتحب و يسلم حراب
وخوالك يلفته كرم وفروسية وعزم واصرار
عراقي انت يلفته ووكلها من اسمك تغار
خبرهم لولدك بالعراق انهار
ألزيناتي

تحياتي للعاملين خلف كواليس الموقع وتحية حب للاخ رامي لنقله ما كتبت ونشره في الموقع وساواصل النشر قريبا انشاء الله
الزيناتي

عاشت الايادي حبي على المواضيع الروعه